იკერ კასილასმა პრესკონფერენცია გამართა.

"იმედი მაქვს სამხრეთ აფრიკაში მიღწეულ წარმატებას გავიმეორებთ. მიმდინარე მუნდიალზე ესპანეთის ეროვნული ნაკრები ერთ-ერთი ფავორიტია და პირადად მე, ისევე როგორც ჩემი თანაგუნდელები, ყველაფერს გავაკეთებთ გულშემატკივრების გასახარებლად."

"ოთხი წლის განმავლობაში ჩვენ ვიყავით მსოფლიოში საუკეთესო ნაკრები და დარწმუნებული ვარ ჩვენს ქვეყანას მეორედაც ვასახელებთ და მსოფლიოს ჩემპიონატის დასრულების შემდეგ თასს აღვმართავთ. გასული მუნდიალის ჩემპიონისგან მაყურებელი მეტს მოითხოვს და ჩვენ ამ პასუხისმგებლობას ვგრძნობთ."

"ჰოლანდიის წინააღმდეგ თამაში საინტერესო იქნება. ყოველთვის მახსენდება წინა მსოფლიო ჩემპიონატის ფინალი და არ დამავიწყდება ის ემოცია როდესაც მათი დამარცხება შევძელით. წელს პირველ მატჩს მათ წინააღმდეგ გავმართავთ და ამ შეხვედრის მოგება უმნიშვნელოვანესი იქნება საკუთარ თავში დასარწმუნებლად. ჰოლანდიელებს ჰყავთ სამი უმაღლესი დონის ფეხბურთელი, რომელთაც უდიდესი გამოცდილება აქვთ. სწორედ ამიტომ შეხვედრა ძალიან დაძაბული და რთული იქნება."

As.com