მადრიდის რეალის პრეზიდენტი მზად არის კარლო ანჩელოტის სურვილი აასრულოს და ლონდონის ჩელსის ნახევარმცველი, რამირესი საკუთარი გუნდის შემადგენლობაში ჩარიცხოს...

ერთადერთი დაბრკოლება ჟოზე მოურინიო გახლავთ, რომლისთვისაც ბრაზილიელი ფეხბურთელი ერთ-ერთი საყვარელი გახლავთ, იგი თითქმის ყველა დაპირისპირებაში სასტარტო შემადგენლობაში აყენებს შუახაზელს.

თავად ფეხბურთელს ამ თემასთან დაკავშირებით არაფერი განუცხადებია, თუმცა კარლოს ფეხბურთელთან ძალიან კარგი და მეგობრული ურთიერთობა აკავშირებს, რაც ნამდვილად იმედის მომცემი გახლავთ, ამასთანვე მას შეთავაზებას არც მეტი არც ნაკლები მადრიდის "რეალი" უკეთებს და არა რომელიმე დაბალი დონის კლუბი.

მსოფლიო ჩემპიონატის შემდეგ მადრიდელები ინგლისის დედაქალაქში ვიზიტს და მოლაპარაკებებს გეგმავენ.

ჯერ-ჯერობით უცნობია ფინანსური დეტალები, რადგან "ოფერტი" დამუშავების პროცესშია, თუმცა ყველამ კარგად იცის, რომ რამირესი, რომელსაც რამდენიმე პოზიციაზე შეუძლია თამაში საკმაოდ სოლიდური თანხა ღირს.