მიგელ პარდესას განცხადებით, მიმდინარე სატრანსფერო ფანჯრის დროს სამეფო კლუბს რამდენიმე ფეხბურთელი გამოეთხოვება, თუმცა ზუსტი რაოდენობის დასახელება ძალიან რთულია...

"იდეალური კოლექტივი გვყავს, მაგრამ მომდევნო სეზონისთვის გაძლიერება ნამდვილად გვჭირდება, იქედან გამომდინარე რომ არაერთ ტურნირზე მოგვიწევს ასპარეზობა, ამისთვის დიდი ძალისხმევა დაგვჭირდება."

"მინიმუმ 3 ფეხბურთელი გუნდს დატოვებს, თუმცა ზუსტი რაოდენობის დასახელება ძალიან რთული იქნება."

"ჯერ-ჯერობით გუნდი მხოლოდ შეგირდების გაშვებაზე მუშაობს, ჩვენ არაერთი შემოთავაზება გვაქვს, რომელთაგან მხოლოდ საუკეთესოს მივიღებთ."

"დი მარია? ანხელი ჩვენი ლიდერია და არავის სურს მისი წასვლა, თუმცა თუ არგენტინელმა განაცხადა, რომ ძალების მოსინჯვა სხვა ქვეყანაში სურს, შესაძლოა ვითარება შეიცვალოს."

"კასილასზე ლაპარაკი ზედმეტია, ის ჩვენი კლუბის თილისმა და ლეგენდა გახლავთ, არამგონია იკერმა სხვა კლუბის მაისური ოდესმე მოირგოს."

"ალვარო მორატასთან დაკავშირებით ინტენსიური მოლაპარაკებები მიმდინარეობს, მისი მსურველი რამდენიმე კლუბია. "კანტერანო" მხოლოდ 1 წლით უნდა გამოგვემშვიდობოს, სხვა პირობა სამეფო კლუბს არ აწყობს."