იუვენტუსელი ფეხბურთელის, არტურო ვიდალის განცხადებით, მადრიდის რეალის ინტერესის შესახებ მან არაფერი იცის, რადგან ჭორებს არასდროს ეცნობა, ოფიციალური შეთავაზება კი არცერთი კლუბისგან არ მიუღია...

"რეალი? ეს დიდი ტრადიციებისა და ისტორიის მქონე კლუბია, თუკი კარლო ანჩელოტი ჩემი პერსონით დაინტერესდა გამოდის, რომ აშკარა პროგრესი ვაჩვენე, რადგან სამეფო კლუბში მხოლოდ რჩეულები თამაშობენ."

"ჩემთვის შემოთავაზება არცერთი გუნდის ხელმძღვანელობას არ გაუკეთებია, აქედან გამომდინარე თავს მშვიდად ვგრძნობ და მომავალს ტურინში ვხედავ. როგორც ვიცი ხელმძღვანელობა ამ ზაფხულს მნიშვნელოვან გაძლიერებას გეგმავს, ჩვენ უნდა გავცდეთ სერია "ა"-ს საზღვრებს და საკუთარი სიტყვა ჩემპიონთა ლიგაზეც ვთქვათ."

"მუნდიალი ყოველთვის ძალიან საინტერესოა, აქედან გამომდინარე ტრანსფერებზე არ ვფიქრობ. დარწმუნებული ვარ ბრაზილიაში გამართული მსოფლიო ჩემპიონატი ძალიან სანახაობრივი იქნება."