ანჩელოტის კაზემიროს გაშვება მილანში სურს
როგორც ჩანს ბრაზილიელი ნახევარმცველი კაზემირო, მომავალ სეზონში სამეფო კლუბის მაისურს ვეღარ მოირგებს, რადგან კარლო ანჩელოტის ფეხბურთელის გაშვება აქვს გადაწყვეტილი...
კლუბის ხელმძღვანელობის გადაწყვეტილებით ბრაზილიელი ნახევარმცველი 1 წელი სხვა კლუბის ღირსებას დაიცავს, თუმცა "რეალი" მისი გამოსყიდვის უფლებას დაიტოვებს.
ესპანურ კლუბს სურს კაზემირომ დანიელ კარვახალის გზა გაიაროს, რომელმაც კარიერა ლევერკუზენში განაგრძო, პროფესიონალად ჩამოყალიბდა და დღესდღეობით სამეფო კლუბის სასტარტო შემადგენლობის უცვლელი წევრია.
გავრცელებული ინფორმაციით კარლო ანჩელოტი თვლის, რომ კაზემირო ყველაზე კარგად იტალიურ "მილანში" დაიხვეწება, "როსონერი" კი მისი სახით კარგ ფეხბურთელს მიიღებს, რომელსაც გაზრდაში დაეხმარება.
კარლიტოს არაერთხელ განუცხადებია, რომ ცენტრალური ნახევარმცველებისათვის სერია "ა" ზედგამოჭრილია, რადგან იქ შუახაზელებს ყოველთვის ბევრი საქმე აქვთ და დიდ პრაქტიკას იღებენ.
- 7 ივნისი 2014
- 1 772
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
