მართალია, 2013/14 წ.წ. საფეხბურთო სეზონი დასრულდა, მაგრამ „რეალის“ სამწვრთნელ ბაზაზას, მაინც ჰყავს ყოველდღიური სტუმარი.

ანჩელოტის შეგირდების ნაწილი მუნდიალისათვის ბოლო მოსამზადებელ შტრიხებს გადის, ხოლო ნაწილი ოჯახებთან ერთად მსოფლიოს სხვადასხვა წერტილებში ისვენებს.აი, რაც შეეხება ხესეს, ახალგაზრდა შემტევი ყოველდღიურ რეჟიმში სარეაბილიტაციო კურსითაა დაკავებული, რათა მალე დაბრუნდეს იტალიელი დამრიგებლის განკარგულებაში.

ფიზიოთერაპევტების მეთვალყურეობის ქვეშ, როდრიგესი მხოლოდ სატრენაჟორო დარბაზში ირჯება.ის დიდი მონდომებით ასრულებს კომპეტენტური ადამიანების მითითებებს და ერთი სული აქვს, კვლავ როდის მოირგებს სამეფო კლუბის მაისურს.

თავის მხრივ, კარლიტოც მოუთმელნად ელოდება ხესეს მწყობრში ჩადგომას და თითქმის ყველა ინტერვიუში აღნიშნავს, რომ „ოციანი“ ძალიან მნიშვნელოვანი ფიგურაა მის შემადგენლობაში.

შეგახსენებთ, რომ ხესემ 18 მარტს, „შალკესთან“ მატჩში გაიწყვიტა ჯვარედინი მყესები, რის გამოც 2-ჯერ დასჭირდა ქირურგიული ჩარევა.

MARCA