მადრიდის "რეალისა" და ესპანეთის ეროვნული ნაკრების ფეხბურთელმა, ჩაბი ალონსომ მოახლოებულ მუნდიალზე ისაუბრა.

ვინ არის ფავორიტი?
"მუნდიალის მოგების ყველაზე დიდი შანსი აქვს: ესპანეთს, იტალიას, არგენტინას, გერმანიას და ბრაზილიას. თუმცა ნუ დაგვავიწყდება, რომ ეს ფეხბურთია და ამ სპორტში ხშირად გაუთვალისწინებელი პროგნოზები რეალური ხდება."

ჰოლანია
"ჰოლანდიელებს აუცილებლად უნდა მოვუგოთ, რადგან ეს არის პირველი მატჩი და სასურველია მსოფლიო ჩემპიონატი გამარჯვებით დავიწყოთ. ეს მეტ თავდაჯერებულობას შეგვმატებს და ჩილეს ნაკრებთან უფრო თამამად წარვდგებით."

დასაშვებია ის ფაქტი, რომ შესაძლოა ესპანეთი ჯგუფში ჩარჩეს?
"თუ ჩვენ ჯგუფურ ეტაპს ვერ გადავლახავთ, ეს იქნება უდიდესი იმედგაცრუება როგორც ჩვენთვის, ასევე ჩვენი გულშემატკივრებისთვის. იმედი მაქვს ყველაფერი კარგად იქნება და სამხრეთ აფრიკაში ოთხი წლის წინანდელ წარმატებას გავიმეორებთ. ამისთვის ყველაფერს გავაკეთებთ."