ცნობილი გამოცემა Fox Sport Football ავრცელებს ინფორმაციის იმის შესახებ, რომ მადრიდის რეალს მანჩესტერ იუნაიტედის სახით ლუის სუარესისთვის ბრძოლაში სერიოზული კონკურენტი გამოუჩნდა...

ინგლისელები ამ ზაფხულს საკმაოდ სერიოზულ მატებას ვარაუდობენ, მათი მთავარი მწვრთნელი ლუის ვან გაალი გუნდში გარდაქმნებს გეგმავს, რადგან თვლის, რომ დევიდ მოიესის მემვკდრეობა საკმაოდ მძიმეა და რეფორმები გარდაუვალია...

Fox Football-ის ცნობით მანჩესტერს შეტევის ხაზის გაძლიერება ლუის სუარესით სურს და ლივერპულს საკმაოდ მსუყე შეთავაზებას გაუკეთებს.

საუბარია 120 მილიონ ევროზე, რომლის გადახდასაც "წითლები" მერსისაიდული კლუბის ბიუჯეტში აპირებენ. ეს მართლაც კოლოსალური თანხაა.

თუ ეს ინფორმაცია სიმართლეს შეესაბამება, ურუგვაელი ფორვარდი მსოფლიოს ყველა დროის ყველაზე ძვირადღირებული ფეხბურთელი გახდება.

ფლორენტინო პერესი ძვირადღირებული ტრანსფერების გაჩარხვით დიდი ხანია ცნობილი გახლავთ, თუმცა ესპანელი პრეზიდენტი სუარესის სანაცვლოდ ჯიბის 120 მილიონი ევროთი გათხელებას ნამდვილად არ გეგმავს, აქედან გამომდინარე თუკი მანჩესტერმა ეს ციფრი რეალურად აქცია, ურუგვაელი პრემიერლიგაში დარჩება, თუმცა ამჯერად იუნაიტედის ფორმას მოირგებს.