ლუკა რაკიტიჩი: "ჩემს შვილს "რეალისგან აქვს შემოთავაზებები"
როგორც ლუკა რაკიტიჩი, ივან რაკიტიჩის მამა იტყობინება, მისი შვილი, მომავალს, მსოფლიო ჩემპიონატის დასრულებამდე არ გადაწყვეტს.
ივან რაკიტიჩს მადრიდის "რეალს" აქტიურად უკავშირებენ. ფეხბურთელის მამის თქმით, ივანს შემოთავაზებები ლა ლიგის 3 საუკეთესო კლუბისგან აქვს: "ივანის ძმას და აგენტს, დეჟანს ბევრი კლუბი უკავშირდება. ამჟამად, მას შემოთავაზებები "რეალისგან", "ბარსასგან" და "ატლეტიკოსგან" აქვს. რაც არ უნდა მოხდეს, ჩემი შვილი საკუთარ მომავალს მსოფლიო ჩემპიონატის დასრულებამდე არ გადაწყვეტს.მხოლოდ ტურნირის შემდეგ დაიწყება მოლაპარაკებები."
ხორვატი ფეხბურთელის მამა არ გამორიცხავს, რომ ივანმა შესაძლოა კარიერა ანდალუსიაში დაასრულოს: "ეს კლუბები ივანს იმაზე კარგ პირობებს არ სთავაზობენ, რაც "სევილიაში" აქვს. ამას ემატება ისიც, რომ მას სევილიაში აღმერთებენ."
წყარო
- 2 ივნისი 2014
- 3 329
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
