ჩემპიონთა ლიგის მეორე ტურის მატჩში, სადაც "ბერნაბეუზე" ერთმანეთს "რეალი" და "მარსელი" ხვდებოდნენ, ფრანგთა მცველმა სულეიმან დიავარამ მადრიდელთა სუპერვარსკვლავ კრისტიანო რონალდოს მძიმე ტრავმა მიაღებინა. ახლა მეექვსე ტურში ეს გუნდები ისევ დაუპირისპირდებიან ერთმანეთს. ამჯერად "ველოდრომზე". დიავარა ისევ მზადაა შეებრძოლოს რონალდოს.

"ძალიან ვწუხვარ, რომ იმ შეხვედრაში რონალდოს ტრავმა მივაღებინე. მე ამისთვის ბოდიშიც მოვიხადე" – აცხადებს სენეგალელი მცველი. "მასთან ბრძოლის დროს ბურთზე წავედი, კრისტიანო კი წაიქცა და ტრავმაც იმ ეპიზოდში მიიღო".

დიავარას თქმით, მას არ აქვს პრობლემები არც "რეალთან" და არც რონალდოსთან. "მე კიდევ ერთხელ ვწუხვარ, რომ კრისტიანო დავაზიანე. მას ფაქსი გავუგზავნე მადრიდში და მოვუბოდიშე. ბედნიერი ვარ, რომ პორტუგალიელი გუნდს დაუბრუნდა და არაფერი აწუხებს. ერთმანეთს მეგობრულად შევხვდებით. ეს ფეხბურთია და ყველაფერი შეიძლება მოხდეს" – განაცხადა დიავარამ.


ინფორმაციის წყარო: Defensacentral.com