ფრანგი ფორვარდის თქმით, მან ურთულესი პერიოდი გამოიარა.

"მადრიდში ძალიან ბედნიერი ვარ, ეს ჩემი სახლია. მქონდა რთული პერიოდი, თუმცა ისინი გადავიტანე. იყო ბევრი დილა, როდესაც არაფრის სურვილი არ მქონია, თუმცა ამან ყველაფერზე ხელი არ ამაღებინა. მიყვარს ვარჯიში. ვარჯიში 10:30-დან 11:00-მდე იწყება, მე კი 9:30-ზე უკვე მოედანზე ვარ."

"სესიის შემდეგ, სავარჯიშო დარბაზში ვრჩები. ასეა კრიშტიანუც. თავდაპირველად სავარჯიშოდ მეც სხვებივით თავის დროზე მოვდიოდი, მაგრამ შემდეგ მივხვდი, რომ მეტისთვის, რომ მიმეღწია, ბევრი შრომა იყო საჭირო."

"ზოგი ვერ ხედავს განსხვავებას კარგ და ძალიან კარგ თამაშს შორის. როცა ნორმალურად ვთამაშობ, ამბობენ, რომ ცუდად ვითამაშე., თუმცა კრიტიკას უკვე შევეჩვიე და ეს ჩემზე დიდად აღარ მოქმედებს."

როდესაც ჟურნალისტმა კარიმს ანჩელოტის და მოურინიოს შედარება სთხოვა, ფრანგმა უპასუხა: "ანჩელოტი ძალიან მშვიდი ადამიანია. ის ფეხბურთელებზე ზეწოლას არ ახდენს. სწორედ ამით განსხვავდება იტალიელი მოურინიოსგან, მას სრულიად განსხვავებული სტილი აქვს."

"ყოველთვის ვფიქრობდი, თუ რატომ მეძახდა მოურინიო კატას. პორტუგალიელის დროს, ამაზე არ ხუმრობდნენ, ახლა კი მეგობრები კატას ხშირად მეძახიან. არც კატა ვარ და არც ძაღლი, არცერთს არ ვგავარ."-განაცხადა ფრანგმა ფორვარდმა.

წყარო: Football-Espana