სუარესის თანამემამულე, კრისტიან როდრიგესი მიიჩნევს, რომ რონალდუ და მესი არ არიან ისეთი კარგი ფეხბურთელები, როგორიც ლუისია.

"სუარესი მსოფლიოს საუკეთესო ფეხბურთელია. მან ეს კლუბშიც დაამტკიცა და ნაკრებშიც. ლიონელ მესი და კრიშტიანუ რონალდუ ეროვნულ ნაკრებში არ თამაშობენ ისე კარგად, როგორც ლუისი. ამას იმიტომ არ ვამბობ, რომ ურუგვაელი ვარ."

"გუნდში ის ყველას უყვარს. ჩვენ, ურუგვაელებს წაგება გვეზიზღება, სუარესის წყალობით კი ხშირად ვიგებთ." - განუცხადა 28 წლის ფეხბურთელმა Daily Mail-ს.

შეგახსენებთ, რომ ლუის სუარესმა წელს პრემიერ ლიგაში 31 გოლის გატანა მოახერხა, სწორედ ამის გამო სეზონის ბოლომდე იბრძოდა "ლივერპული" ტიტულისთვის, თუმცა საბოლოოდ გამარჯვება "მანჩესტერ სიტის" ხვდა წილად.

წყარო: Goal