კარლო ანჩელოტის მიერ მოგებულმა "ლა დესიმამ", თავისი საქმე გააკეთა და მწვრთნელის რეიტინგი ერთი–ორად აამაღლა.

ფლორენტინო პერესმა კარლო ანჩელოტი გუნდში დიდი იმედებით და ოცნენებით მოიყვანა. შესაძლოა პირველ სეზონში არავინ ელოდა, რომ კლუბი ჩემპიონთა ლიგის რიგით მეათე თასს მოიგებდა, მაგრამ ყველა გაოცებული დრჩა, როდესაც ანჩელოტის დამოძღვრილმა "რეალმა" ჯერ კოპა დელ რეი, ხოლო შემდეგ ევროპის ყველაზე პრესტიჟული ჯილდო მოიგო.

ბუნებრივია მადრიდისტების და ზოგადად ფეხბურთის მოყვარულთათვის მწვრთნელის ავტორიტეტი გაიზარდა და პოპულარობის პიკში მოექცა. სწორედ ამიტომ, ჟურნალისტურმა გამოცემა "მარკამ", გამოუშვა წიგნი ანჩელოტის შესახებ, სადაც მისის ადრეული საფეხბურთო კარიერა, ხოლო შემდეგ ბრწინვალე სამწვრთნელო მიღწევებია გადმოცემული.