ევროპული ფეხბურთის ორგანიზაციის სადისციპლინო კომიტეტმა, „რეალის“ დასჯის გადაწყვეტილება მიიღო.

ჩემპიონთა ლიგის ნახევარფინალურ სტადიაზე, „ბაიერნის“ მასპინძლობის დროს, „სანტიაგო ბერნაბეუს“ 120-ე და 122-ე სექტორებიდან გამუდმებით ისმოდა რასისტული შეძახილები, რაც „უეფას“ წარმომადგენლებმა დააფიქსირეს და განსახილველად შესაბამის კომიტეტს გადასცეს.მიღებული გადაწყვეტილების თანახმად, „უეფას“ ეგიდით ჩატარებულ მომდევნო მატჩში, „რეალის“ საშინაო არენის ხსენებულ სექტორებში ბილეთები არ გაიყიდება და თავისუფალ ადგილებზე, დიდი ბანერი განთავსდება, სახელწოდებით - „არა რასიზმს.“

Uefa.Com