ფაბიო კაპელოს განცხადებით, კარლო ანჩელოტი გენიალური მწვრთნელია და ის დიდი ხნის მანძილზე უნდა ედგეს სათავეში მადრიდის რეალს...

"თუ ფლორენტინო პერესს წარმატების მიღწევა სურს, რაც შეიძლება დიდი ხნით უნდა დატოვოს კარლო ანჩელოტი მადრიდის რეალის მთავარი მწვრთნელის პოსტზე, რადგან იტალიელი უბრალოდ გენიოსია და ყოველთვის იცის კონკრეტულ სიტუაციაში რა სჭირდება გუნდს."

"ვთვლი, რომ ჩემი თანამემამულე კლუბების გაწვრთისთვის არის დაბადებული და ის არასდროს არ უნდა ჩაუდგეს რომელიმე ნაკრებს სათავეში, ამით ევროპის კლუბები ძალიან დიდ ძალას დაკარგავენ."

"2003 წლის შემდეგ კარლიტომ მესამედ მოიგო ჩემპიონთა ლიგის თასი, დამეთანხმებით დიდებული შედეგია, რომელსაც ნებისმიერი მწვრთნელი ინატრებდა."

"რეალში ყოველთვის დიდი ზეწოლაა. როდესაც პირველივე სეზონში ახერხებ Copa Del Rey-ს და ევროპის ყველაზე პრესტიჟული ტურნირის მოგებას, უნდა ჩათვალო, რომ როგორც ტაქტიკურად ასევე ფსიქოლოგიურად ძალიან ძლიერი ხარ."