Caughtoffside-ის ცნობით მადრიდის "რეალის" მწვრთნელი, კარლო ანჩელოტი უეინ რუნით არის დაინტერესებული და ზაფხულში მის დედაქალაქში ჩაყვანას გეგმავს...

ინგლისელ შემტევს მანჩესტერის აბარგებას ჯერ კიდევ შარშან უწინასწარმეტყველებდნენ, თუმცა დევიდ მოიესისა და ალექს ფერგიუსონის ერთობილივი ძალისხმევის შედეგად უეინი პრემიერ ლიგაში დარჩა.

ახლა კი კვლავ ვრცელდება ინფორმაციები იმის შესახებ, რომ მსოფლიო ჩემპიონატის დასრულების შემდეგ რუნი კლუბს შეიცვლის.

პერესი რადამელ ფალკაოს, ლუის სუარესისა და სერხიო აგუეროს კანდიდატურებს აქტიურად განიხილავთ, თუმცა თითოეული მათგანის შეძენა ძალიან დიდ სირთულეებთან არის დაკავშირებული, რასაც ნამდვილად ვერ ვიტყვით 28 წლის მანჩესტერელზე, რომელსაც თავად სურს სიტუაციისა და კლუბის გამოცვლა, აქედან გამომდინარე მასთან მოლაპარაკებების დაწყება შედარებით მარტივი იქნება.

ჯერ-ჯერობით უცნობია თუ რა აზრის არის ლუის ვან გაალი ფორვარდზე, თუმცა მისი გაშვება ალბათ არცერთ მწვრთნელს არ სურს, რადგან იგი მრავალმხრივი ნიჭითაა დაჯილდოებული, უეინს მეტოქის კარის აღების ბრწყინვალე ალღო აქვს, თუმცა არც საგოლე პასის გაკეთებას თაკილობს.

კარლიტო ფიქრობს, რომ გარეთ ბეილთან და კრიშტიანო რონალდუსთან ერთად უეინი ბრწყინვალე შეტევის ხაზს შექმნის, რომელიც ნებისმიერი გუნდისთვის სანატრელი იქნება.

ჯერ-ჯერობით არ სახელდება თანხის ოდენობა, რომელსაც სამეფო კლუბი რუნის სანაცვლოდ გაიღებს, თუმცა წინასწარვე ცნობილია, რომ "იუნაიტედი" შეტევის ბურჯს ჩალის ფასში არ შეელევა.

მიუხედავად იმისა, რომ უეინი პატარა ბიჭი აღარ არის, მისი ფასი მინიმუმ 30-40 მილიონ ევრომდე იმერყევებს.