ფერნანდო მორიენტესის განცხადებით, მადრიდის "რეალს" ალვარო მორატასა და ხესე როდრიგესის სახით ორი უმაღლესი კლასის ფეხბურთელი ჰყავს...

"ძალიან მიხარია, რომ კარლომ გუნდის კანტერანოებს ყურადღება მიაქცია, ეს კასტილიელთათვის დიდი სტიმული გახლავთ. ალვარო მორატამ არაერთი გოლი გაიტანა აწ უკვე გასულ სეზონში, ხესე როდრიგესმა კი აბსოლუტურად ყველა გააოცა."

"როდრიგესს ტრავმამ დიდი დაღი დაასვა, თუმცა დარწმუნებული ვარ მომდევნო სეზონში იგი კვლავ უმაღლეს დონეზე ითამაშებს და დაამტკიცებს, რომ ადგილს სასტარტო შემადგენლობაში იმსახურებს, ის დიდებული მოთამაშეა."

"ვგონებ, მორატა და ხესე ისეთ დუეტს შექმნიან, როგორიც მე და ლეგენდარულმა რაულ გონსალესმა შევქმენით, ის დრო ყველაზე კარგად მახსოვს, მე და "ელ კაპიტანო" ერთმანეთს ბრწყინვალედ ვუგებდით და "რეალიც" შესანიშნავ შედეგებს აღწევდა"

"დარწმუნებული ვარ კარლო ანჩელოტი გუნდს მომდევნო სეზონებშიც გაწვრთნის და კიდევ უფრო მეტს კასტილიელს ექნება თავის გამოჩენის საშუალება, იტალიელ სპეციალისტს ძალიან კარგი კურსი აქვს აღებული."