ევროპის ყველაზე პრესტიჟულ საკლუბო ტურნირზე წარმატების მიღწევის წყალობით, „პაპა კარლოს“ სახელფასო ჭერი გაიზარდა.

თუ აქამდე კარლო ანჩელოტის წლიური ჰონორარი 7 მლნ. ევროს შეადგენდა, ამიერიდან, ჩ/ლიგის ისტორიაში ერთ-ერთი საუკეთესო და ყველაზე ტიტულოვანი მწვრთნელი, 2 მილიონით მეტს მიიღწებს და ევროპის მასშტაბით, ყველაზე მაღალანაზღაურებად დამრიგებლებს შორის მეორე პოზიციას დაიკავებს - წერს იტალიური La Gazzetta dello Sport-ი.

ამ მომენტისათვის, ყველაზე დიდი შემოსავალი ჟოზე მოურინიოს აქვს, რომელსაც აბრამოვიჩი 10 მლნ. უხდის თავისი საქმიანობისათვის.8 მლნ. იღებს რობერტო მანჩინი „გალათასარაიში,“ ხოლო გვარდიოლას, 7.5 მლნ. ურიცხავენ მიუნხენელები.

შეგახსენებთ, რომ ბობ პისლისთან ერთად, ანჩელოტი ერთადერთი მესაჭეა, რომელსაც 3 ჩემპიონთა ლიგა აქვს მოგებული, ხოლო სამწვრთნელო და საფეხბურთო კარიერას თუ შევაჯამებთ, ამ კომპონენტში კარლიტოს ბადალი არ ჰყავს (5 თასი).

DefensaCentral