ახალგაზრდა ნახევარმცველის, ისკო ალარკონის განცხადებით, ჩემპიონთა ლიგის მეათე თასის მოგება სამეფო კლუბის ფეხბურთელთა ოცნება იყო, რომელიც რეალობად იქცა...

"ბრწყინვალე გამარჯვება მოვიპოვეთ, ძალიან ბედნიერი ვარ იმით, რომ სამეფო კლუბში მოვხვდი, ეს კლუბი არასდროს ყრის ფარ-ხმალს და ბრძოლისუნარიანობით გამოირჩევა."

"მეათე თასი შესაბამისად უნდა აღვნიშნოთ, ამ ტიტულს გულშემატკივრები 2002 წლის შემდეგ ელოდნენ, მე მაშინ ბავშვი ვიყავი და ვერც ვიოცნებებდი "ბლანკოსის" ფორმის მორგებაზე."

"ინჩასებმა დიდი სიამოვნება მიიღეს, რაც ჩვენ ძალიან გვახარებს, სასიამოვნო მოსასმენია Campeones, Campeones."

"ეს არის კოლექტივი, რომლის დაცვა, ნახევარდაცვა და თავდასხმა მოწოდების სიმაღლეზე დგას, ჩვენ ერთიანად ვუტევდით და გოლის გატანას ვცდილობდით, საბოლოოდ კი დამაჯერებელი ანგარიში დავაფიქსირეთ ტაბლოზე."