ფლორენტინო პერესმა ჩემპიონთა ლიგის ფინალის დასრულების შემდეგ კომენტარი გააკეთა.

"გუშინდელი გამარჯვება ფეხბურთელების და ფანების დამსახურებაა. სწორედ მათი წყალობით მოვედით აქამდე და სწორედ მათ მოგვანიჭეს დღეს უდიდესი სიხარული. უზომოდ ბედნიერი ვარ იმით, რომ სამეფო კლუბის პრეზიდენტი ვარ."

"იყო მადრიდის „რეალის“ გულშემატკივარი, ეს უკვე კულტურაა. ფანები თავიანთ შვილებს უყვებიან და აწვდიან ინფორმაციას ბლანკოსის შესახებ და ასე აყვარებენ თავიანთ შთამომავლობას სამეფო კლუბს. მინდა მათ მივულოცო და დიდი მადლობა გადავუხადო თანადგომისთვის."

"მინდა ყველას მივულოცო. მოხარული ვარ, რომ ყველაფერი ჩვენს სასიკეთოდ დასრულდა."

"ანჩელოტი ჩვენს გუნდში მოვიდა და პირველივე წელს მოახერხა ჩემპიონთა ლიგის ფინალში გასვლა და გამარჯვება. სეზონი ძალიან რთული გამოდგა. გვყავდა ახალი მწვრთნელი და შვიდი ახალი მოთამაშე. კლუბში სერიოზული ტრანსფორმაცია მოხდა და სწორედ ამის შედეგად აღვმართეთ ლიგის თასი მეათედ."

"სერხიო რამისის გოლმა ყველა გაგვაოცა. შეიძლება ითქვას, რომ მან სიცოცხლე შეგვინარჩუნა. სერხიომ ძალიან კარგი სეზონი ჩაატარა და დაამტკიცა, რომ საკუთარ პოზიციაზე საუკეთესოა."