სეზონის ან შესაძლოა კარიერის ყველაზე მნიშვნელოვანი მატჩის გამოტოვება, ნებისმიერი ფეხბურთელისათვის ტრაგედიის ტოლფასია.

ჩაბიმ მთელი სეზონის განმავლობაში იღვაწა იმისათვის, რომ „რეალს“ ნანატრ ფინალში თამაში უფლება მოეპოვებინა, თუმცა „ალიანც არენაზე“ მიღებული გაფრთხილების გამო, თანაგუნდელებს მის გარეშე მოუწევთ „ლა დესიმასათვის“ ბრძოლა.ბასკი ფეხბურთელის დარ მდგომარეობაში, მსოფლიო ფეხბურთის არა ერთი ვარსკვლავი აღმოჩენილა, მაგრამ მიუხედავად ამისა, სპორტის ამ სახეობის ბოსებს, აზრადაც არ მოსდით წყეული წესების გადახედვა.

ისტორიის განმავლობაში დაფიქსირებულა შემთხვევები, როდესაც ნახევარფინალში მიღებული ყვითელის წყალობით, მოთამაშეებს არა მხოლოდ ჩ/ლიგის, არამედ ევროპისა და მუნდიალის ფინალების გამოტოვება მოუწიათ.შესაძლოა, ფეხბურთელად დამსახურებულად იღებს გაფრთხილებას, თუმცა ფინალის გამოტოვება არანაირ ჩარჩოებში ექცევა, რაზეც ამადეო კარბონი საუბრობს (ანალოგიური სიტუაციის გამო, 2000 წლის ლიგის ფინალში ვერ ითამაშა): „ვერ გამიგია, პლატინი, რომელიც თავად იყო ფეხბურთელი, რატომ არ ცვლის აღნიშნულ წესს.ეს სრული აბსურდია.შენი კარიერა მსაჯზე ყოფილა დამოკიდებული.“

როდესაც ფინალის გამოტოვებაზე ვსაუბრობთ, მყისვე გვახსენდება ცნობილი მსაჯი ურს მეირი, რომლის გადაწყვეტილებებითაც, სხვადასხვა სეზონებში, როი კინმა, სქოულზმა და ნედვედმა ევროპის ყველაზე პრესტიჟული საკლუბო ტურნირის ბოლო შეხვედრაში ვერ მიიღეს მონაწილეობა, ხოლო ბალაკმა მუნდიალის ფინალში.

MARCA