კაფუ : "ეჭვი არ მეპარება ანჩელოტი არ შეუტევს"
ბრაზილიელი ლეგენდარული მცველის, კაფუს განცხადებით, მადრიდის "რეალი" ფინალში ფავორიტია თუმცა ეს იმას არ ნიშნავს, რომ კლუბი პირველივე წუთებიდან შეუტევს...
"ანჩელოტი დიდებული მწვრთნელია, მე მასთან არაერთი დაუვიწყარი წელი გამიტარებია და ვიცი თუ რამდენ რამეს იაზრებს იტალიელი თითოეული მატჩის წინ."
"დარწმუნებული ვარ "ბლანკოსი" პირველივე წუთებიდან არ შეუტევს და თამაშის აგებას კონტრ-შეტევებზე შეეცდება, სადაც ამ კლუბს ბადალი არ ჰყავს."
"ვერ გაამტყუვნებ მწვრთნელს, რომელიც შეტევაში სწრაფად გადასვლაზე ფიქრობს მაშინ, როდესაც გუნდში ლუკა მოდრიჩი, გარეთ ბეილი, კრიშტიანო რონალდუ და ანხელ დი მარია არიან, ამ მოთამაშეებს მომაკვდინებელი მონაცემები აქვთ და მეტოქის შეტევაზე ბრწყინვალედ შეუძლიათ ნაყოფიერი პასუხის გაცემა."
"ვთვლი, რომ "რეალი" ფავორიტია, მაგრმა დიეგო სიმეონეს საკმაოდ მონდომებული გუნდი ჰყავს, რომელმაც საკმაოდ სერიოზული ბარიერები გადალახა ფინალში მოსახვედრად, აქედან გამომდინარე უშეღავათო ბრძოლას ველი."
- 23 მაი 2014
- 3 535
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
