ლამპარდი : "ჩემთვის ფავორიტი "რეალია""
ლონდონის ჩელსის ლეგენდარული ნახევარმცველის, ფრენკ ლამპარდის განცხადებით, ჩემპიონთა ლიგის ფავორიტი მადრიდის "რეალი" გახლავთ, რადგან ამ გუნდს გაცილებით უკეთესი ფეხბურთელები ჰყავს...
"ევროპის ყველაზე პრესტიჟული ტურნირის ფინალში შემთხვევით ვერავინ ხვდება, ჩვენ უკვე ვიცით თუ რას წარმოადგენს მადრიდის "ატლეტიკო", მაგრამ ჩემი აზრით კარლო ანჩელოტის გუნდი გაცილებით უფრო მაღლა დგას, ვიდრე "როხიბლანკო", შესაძლოა მათ დიდი შემართება აქვს, მაგრამ როდესაც კოლექტივში რონალდუ და ბეილი გყავს ყოველთვის ფავორიტი ხარ."
"დიეგო სიმეონე თანამედროვეობის აღმოჩენად შეგვიძლია მივიჩნიოთ, მან მართლაც შესანიშნავი გუნდი შეკრა, რომელმაც უკვე მოიგო ესპანეთის ლა ლიგა და ახლა უკვე ჩემპიონთა ლიგის მოგებასაც ცდილობს, მაგრამ რამდენად გამოუვა რთული სათქმელია."
"არამგონია რომელიმე გუნდმა გადამწყვეტი უპირატესობა მოიპოვოს, რადგან კლუბები ერთმანეთს კარგად იცნობენ და ტაქტიკურად აუცილებლად სწორად ითამაშებენ."
"ჩემი სუბიექტური აზრით ლიგას "ბლანკოსი" მოიგებს, რადგან ამ კლუბში გაცილებით უფრო მაღალი დონის ფეხბურთელები ირიცხებიან, თუმცა შესაძლოა ყველაფერი საპირისპიროდ დაფიქსირდეს, გამოსარიცხი არაფერია."
- 23 მაი 2014
- 3 556
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
