დანი კარვახალიც ეთანხმება ვიცე-კაპიტანის ნათქვამს და ფიქრობს, რომ "ატლეტიკო" ფავორიტია.

ჩემპიონთა ლიგის ფინალის ოცნება: "ეს წარმოუდგენელი იყო ჩემთვის ერთი წლის წინ და ასე იქნება ოთხი დღის შემდეგაც, როცა ლისაბონში თამაში მორჩება. როცა ბავშვი ხარ, გსურს, რომ ასეთი რამეები არასდროს გამოტოვო და მე გამიმართლა, რომ ამის საშუალება მაქვს."

მეშვიდეს, მერვეს და მეცხრეს მოგონებები: "დიახ, მე ეს ყველაფერი მახსოვს. განსაკუთრებით მიატოვიჩის გოლი "იუვეს" წინააღმდეგ და რაულისა ან ზიდანის გოლები "ლივერკუზენის" წინააღმდე. მაშინ მე ძალიან პატარა ვიყავი და ვფიქრობდი, რომ მოვიდოდა დრო და მე აქ ვითამაშებდი და მომეცემოდა ასეთი შანსი...ჩვენ ერთი გუნდი ვართ და მაქსიმუმს გავიღებთ მოსაგებად."

დაცვის საკითხი: "ძალიან რთულ დღეში იქნება ორივე გუნდის დაცვა, ვინაიდან ეს ფინალია და აქ მცირე დეტალები წყვეტენ ყველაფერს. განსაკუთრებით სახიფათოა "ატლეტიკო", ვინაიდან მათ ლიგა მოიგეს და საკმაოდ თავდაჯერებულები იქნებიან."

ფავორიტი: "აქ გამოკვეთილი ფავორიტი არ არსებობს, მაგრამ საერთო ჯამში ფავორიტი, ჩემი აზრით, "მადრიდის ატლეტიკოა", ვინაიდან უფრო თავდაჯერებულები არიან ლიგის მოგების შემდეგ და პლიუს ამას, მათზე დიდი ზეწოლა არაა, მიუხედავად ამ ყველაფრისა, მაინც 50-50 შევაფასებდი ფავორიტის სტატუსს."

წყარო: MARCA