ისკო ჟურნალისტებს გაესაუბრა.

ვარჯიში: "დიდებული ატმოსფეროა კლუბში, ვემზადებით თავიდან ბოლომდე ფინალისთვის და ვცდილობთ, რომ საუკეთესო კონდიციებში შევხვდეთ ამ დღეს."

გულშემატკივრები: "ჩვენ გვჯერა, რომ გულშემატკივრები ჩვენთვის დამატებითი ფეხბურთელის როლს თამაშობენ, მუდამ ვხედავდით და ვგრძნობდით მათ მხარდაჭერას."

წინა დღე: "მშვიდად ვარ. რაც უფრო ვუახლოვდებით ფინალის დღეს, უფრო და უფრო იმატებს ნერვიულობა. იმედი გვაქვს, რომ მეათეს მოვიპოვებთ."

12 წელი ფინალის გარეშე: ""რეალი" არ უნდა რჩებოდეს ფინალს მიღმა. ამ წელს ჩვენ დიდებულად ვიასპარეზეთ. ერთი გუნდი ვართ, თავს არ ვზოგავდით და ვიმედოვნებთ, რომ მეათის ჩამოტანას შევძლებთ."

"რეალის" იარაღი: "დიდ თამაშებში ჩვენ ვერთიანდებით და ვძლიერდებით. ამბიციურად და თავდაუზოგავად ვაპირებთ თამაშს ამ შაბათსაც"

"ატლეტიკო": "ვიცით, თუ რაოდენ კარგი სეზონი აქვთ მათ. ისინი ბრწყინვალედ არიან მოტივირებულნი და რთული შეხვედრა გველოდება."

ოცნება: "ჩემპიონთა ლიგის ფინალის თამაში ოცნებაა , როგორც ჩემთვის, ასევე ნებისმიერი ბავშვისთვის."

წყარო: AS