ლა ლიგის მეცამეტე ტურში "რეალმა" დაამარცხა "ალმერია".

"რეალმა" მოიგო, მაგრამ ისე დამაჯერებლად ვერა, როგორც ამას ელოდნენ. როცა ანგარიშს შეხედავთ, სხვანაირად მოგეჩვენებათ ყველაფერი. პირველი ტაიმი წარიმართა "რეალის" ტოტალური უპირატესობით. ყველა ელოდა, რომ "ალმერია" დაიწყებდა გოლების გაშვებას. პირველ ტაიმში "სამეფო კლუბს" ცხრამეტი დარტყმა ჰქონდა მეტოქე გუნდის კარში, სტუმრებს კი მხოლოდ ერთი. 30ე წუთზე თავი გამოიჩინა სერხიო რამოსმა კრისტიანო რონალდოს გადაცემის შემდეგ.

მეორე ტაიმში "რეალი" კარგ ხასიათზე გამოვიდა. მადრიდელები აგრძელებდნენ მოედანზე დომინირებას, მაგრამ... მათ დაავიწყდათ, რომ "ალმერიაც" საფეხბურთო კლუბია და მათაც შეუძლიათ კონტრშეტევების განხორციელება. მატჩის 58–ე წუთზე თავი გამოიჩინა სორიანომ, ხოლო ოთხ წუთში კალუ უჩემ წინ გაიყანა გუნდი. არავის ეპარებოდა ეჭვი, რომ "ბლანკოსი" გაიტანდა.

გაიტანა კიდეც და აჩუქა გულშემატკივრებს გამარჯვება. 73–ე წუთზე თავი გამოიჩინა გონსალო იგუაინმა. 82–ე წუთზე პენალტი მოიპოვა კრისტიანო რონალდომ, მაგრამ რეალიზება ვერ შეძლო. საბედნიეროდ იქვე იმყოფებოდა ქარიმ ბენზემა, რომელმაც დამატებაზე დიდებულად ითამაშა და გუნდი წინ გაიყვანა. ერთი წუთის შემდეგ კი პორტუგალიელმა შეცდომა გამოასწორა და გაიტანა გადამწყვეტი გოლი – 4:2. აი ასეთი ტრილერი აჩუქა "რეალმა" "ბერნაბეუს" პუბლიკას.

მატჩის ბოლოს კი ნერვებმა უმტყუნა რონალდოს. თავისი პრესის დემონსტრირების დროს მან ყვითელი ბარათი მიიღო, ხოლო შემდეგ მეტოქეს მაგრად ჩასცხო ფეხებში და გაძევებულ იქნა მოედნიდან. ის გამოტოვებს უმნიშვნელოვანეს მატჩს "ვალენსიასთან" "მესტალიაზე". "რეალს" დააკლდება ორი ლიდერი: კაკა და კრისტიანო რონალდო.

ამ შეხვედრის შემდეგ "რეალი" მყარად დამკვიდრდა მეორე ადგილზე 31 ქულით, "ალმერია" კი 12 ქულით 16–ე ადგილზეა.


ინფორმაციის წყარო: Goal.com