კრისტიანო რონალდომ გულშემატკივრების და თანაგუნდელების წინაშე ბოდიში მოიხადა მისი საქციელის გამო.

კრისტიანო რონალდომ "ალმერიასთან" მატჩის ბოლო წუთზე მეორე ყვითელი ბარათი მიიღო და მსაჯმაც მოედნიდან გააძევა. მან ამის შესახებ კომენტარი გააკეთა. "წითელი ბარათის მიღება ძალიან მეწყინა. ვიცი, რომ შეცდომა დავუშვი, მაგრამ ადამიანებსაც მოსდით შეცდომები. ასეთი რამეები ფეხბურთშიც ხდება და იმედია აღარ განმეორდება. ბოდიშს ვიხდი გულშემატკივრის და თანაგუნდელების წინაშე".

ასევე განიხილა მეორე ყვითელი ბარათი: "მე დავარტყი მას და ვითხოვ პატიებას. მე ორტისთან საწინააღმდეგო არაფერი მაქვს. ის პორტუგალიაში თანაგუნდელია".

შეხვედრის შესახებ კრისტიანომ შემდეგი განაცხადა: "პირველ ტაიმში უფრო მეტი გოლის გატანა შეგვეძლო. მეორე ტაიმში მოვდუნდით. "ალმერიამ" ისარგებლა ამით და ორი გოლიც გაგვიტანა, მაგრამ მაინც მოვახერხეთ გამარჯვება. ვულოცავ ყველას ამ მოგებას".

რონალდოს თქმით ის არ გრძნობს ტკივილებს ფეხში და შეუძლია ითამაშოს "მარსელის" წინააღმდეგ ჩემპიონთა ლიგაზე. "მარსელი" შესანიშნავად თამაშობს, მაგრამ ჩვენ მოვიპოვებთ პლეი–ოფის საგზურს".


ინფორმაციის წყარო: As.com