მოგეხსენებათ, კარიმ ბენზემას მონაწილეობა ჩემპიონთა ლიგის ფინალში, სათუოა.

შესაძლოა, ფრანგმა თავდამსხმელმა დარჩენილ დღეებში შეძლოს გამოჯანმრთელება, მაგრამ ანჩელოტი უკვე ფიქრობს მოვლენების სხვაგვარ განვითარებაზეც.თუ კარიმმა ვერ მოასწრო მწყობრში ჩადგომა, იტალიელს, მორატასა და ისკოს შორის მოუწევს არჩევანის გაკეთება.

რასაკვირველია, ფინალურ დაპირისპირებაში მწვანე მინდორზე გამოსვლის გაცილებით დიდი შანსი აქვს მალაგელს, რომელმაც „კოპა დელ რეის“ ფინალში რონალდუ შეცვალა, ხოლო „ბაიერნთან“ პირველ დაპირისპირებაში ბეილი.პრიმერა დივიზიონის რამდენიმე შეხვედრაში, მან ბენზემაც ადგილის კი დაიკავა თერთმეტეულში „ცრუ ცხრიანის“ პოზიციაზე, თუმცა რამდენად წარმატებით გაართვა თავი, ეს თქვენ განსაჯეთ.

სავარაუდოდ, „მამალთა“ გოლეადორის არყოფნის პირობებში, ანჩელოტის გარკვეული გადაადგილებების განხორციელება მოუწევს.ალბათ, ისკოს ფორვარდათ განთავსება არაფრის მომტანია და ამიტომაც, შესაძლოა რონალდუ ვიხილოთ მეკარესთან ყველაზე ახლოს ან, ნახევარდაცვაში 4 ნახევარმცველისაგან შექმნილი კავშირი მივიღოთ, ხოლო თუ მორატაზე გაკეთდა არჩევანი, რაც ნაკლებად მოსალოდნელია, პოზიციურად დიდი არაფერი შეიცვლება.

ცნობისათვის, მიმდინარე სეზონში, ალარკონმა 52 მატჩში მიიღო მონაწილეობა.აქედან 37 შემთხვევაში სასტარტოდან დაიწყო თამაში და 11 გოლიც ჩაიწერა აქტივში.

MARCA