მსოფლიო პრესა საუბრობს იმის შესახებ, რომ მადრიდის "რეალის" პრეზიდენტი მზადაა საკმაოდ დიდი თანხა გადაიხადოს ლუის სუარესის სანაცვლოდ.

გავრცელებული ინფორმაციით, სატრანსფერო ბატალიაში ჩაებმება კატალონიის "ბარსელონაც". "ლივერპულის" ხელმძღვანელობა რა თქმა უნდა მხოლოდ საუკეთესო წინადადებას დათანხმდება და ვინც უფრო მეტ თანხას გაიმეტებს, მასთან გაუშვებს ურუგვაელ ფორვარდს.

ვარაუდი იმისა, რომ შესაძლოა კატალონიელებმა მადრიდელებს სუარესი "მოპარონ", გაჩნდა მას შემდეგ, რაც გავრცელდა ჭორი იმის შესახებ, რომ თითქოს "ბარსელონას" უმთავრესი ფიგურა და შეიძლება ითქვას ახალგაზრდა ლეგენდა, ლეონელ მესი კლუბის დატოვებას აპირებს. არგენტინელი ვარსკვლავი კონტრაქტის პირობებს ვერ ათანხმებს კლუბის პრეზიდენტთან და ძალიან დიდი შანსია იმისა, რომ მესი მომავალ სეზონში სხვა გუნდის მაისურით ვიხილოთ.

ლეოს შემცვლელად კი სწორედ ლუის სუარესი მოიაზრება.