ესპანეთის პრიმერა დივიზიონი დასრულებულია. სამეფო კლუბმა ჩემპიონატი 87 ქულით, მესამე ადგილზე დაასრულა, თუმცა გასათვალისწინებელია, რომ მეორეადგილოსან ბარსელონასაც ქულების იგივე რაოდენობა აქვს, თუმცა მეორე პოზიცია ურთიერთშეხვედრებში უკეთესი მაჩვენებლის გამო დაიკავა...

კარლო ანჩელოტის პირველ სეზონში მადრიდის "რეალის" ფეხბურთელთაგან ყველაზე მეტი ხსენებულ ტურნირზე კარიმ ბენზემამ ითამაშა, მის ანგარიშზე 35 დაპირისპირება გახლავთ, იგი მოედანზე 2772 წუთის მანძილზე იყო.

ამ ხნის მანძილზე ფრანგმა ფორვარდმა 17 გოლს და 9 საგოლე გადაცემას მოუყარა თავი და გახდა ანჩელოტის ყველაზე დიდი ნდობით აღჭურვილი პირი ლა ლიგაში.

მეორე ადგილს სამეფო კლუბის ვიცე კაპიტანი, სერხიო რამოსი იკავებს, რომელიც ფრანგ შემტევს 16 წუთით ჩამორჩა, მის ანგარიშზე 32 პაექრობა და 2756 წუთი გახლავთ.

სტატია ეხებათ კარის გარეთ მდგომ ფეხბურთელებს და არა კიპერ დიეგო ლოპესს, რომელსაც რაღა თქმა უნდა ყველა სხვა ფეხბურთელზე მეტი დრო აქვს დაყოფილი სტადიონზე, მისი მაჩვენებელი 36 მატჩი და 3240 წუთი გახლავთ, ამ ხნის მანძილზე ესპანელმა კიპერმა 36 გოლი გაუშვა, იგი საშუალოდ თამაშში თითო გოლს უშვებდა.