სატრანსფერო ფანჯრის გახსნამდე სულ უფრო ცოტა დრო რჩება, აქედან გამომდინარე აქტუალური ხდება თემები, რომელიც მაღალი დონის ფეხბურთელების ტრანსფერებს შეეხება...

ჯერ-ჯერობით ყველაზე მეტად ლონდონის არსენალი აქტიურობს, დედაქალაქელებს მომავალ წელს სერიოზული წინსვლა სურთ, დამრიგებლის მიზანი შეტევითი პოტენციალის გაზრდა გახლავთ, სხვა შემთხვევაში ის ვერ მიაღწევს დასახულ მიზანს, "მეთოფეთა" გუნდი ჩემპიონთა ლიგისა და ინგლისის ჩემპიონატის მოგებას გეგმავს.

Daili Star-ის ინფორმაციით ლონდონელები მზად არის სამეფო კლუბს ანხელ დი მარიასთან დაკავშირებითაც მოელაპარაკონ, "მეთოფეები" ფეხბურთელში 29 მილიონ ფუნტ სტერლინგს იხდიან, რაც დაახლოებით 35 მილიონი ევრო გახლავთ.

თუმა ამასთანავე ვრცელდება ინფორმაცია იმის შესახებ, რომ დი მარიას ინგლისში კიდევ ერთი მსურველი ჰყავს ჩემპიონი მანჩესტერ "სიტის" სახით, "ლურჯებს" არგენტინელის პერსონა შარშანაც აინტერესებდათ, თუმცა ფეხბურთელმა ესპანეთის დედაქალაქში დარჩენა ამჯობინა.

ამჟამად კლუბს დი მარიასთან მოქმედი კონტრაქტი აკავშირებს, არც ფეხბურთელი ფიქრობს კოლექტივის დატოვებაზე, აქედან გამომდინარე მოლაპარაკებების წარმართვა არც ისე მარტივი იქნება, დაველოდოთ მოვლენათა განვითარებას.