Marca-ს ჟურნალისტის ცნობით, კრიშტიანუ დილემის წინაშე დგას.

მართალია, პორტუგალიელი სრულად განიკურნა ტრავმისაგან და თანაგუნდელებთან ერთად ვარჯიშსაც შეუდგა, თუმცა სამედიცინო შტაბის წარმომადგენლები, „ესპანიოლთან“ მატჩში, მოედანზე გასვლის რეკომენდაციას არ აძლევენ.

მადრიდელი მედიკოსების ინფორმაციით, პრიმერას ბოლო ტურში მონაწილეობის მიღებამ, შესაძლოა სულაც არაფერი ავნოს რონალდუს, თუმცა სასურველია, რომ ლისაბონის ფინალს, მაქსიმალურად დასვენებული შეხვდეს პორტუგალიელი.

ჯერჯერობით უცნობია, რას ფიქრობს თავად რონალდუ, რომელსაც პირადი ანგარიშების გასასწორებლად სურს კატალონიელებთან დაპირისპირება.მოგეხსენებათ, მას მხოლოდ 1 ბურთი აშორებს „ოქროს ბუცის“ გაფორმებამდე და ცხადია, ასეთი შანსის ხელიდან გაშვება, არცერთი ამბიციური თავდამსხმელის გეგმებში არ შედის, თუმცა სასწორზე მეტად მნიშვნელოვანი - „ლა დესიმა“ დგას.

დიდი ალბათობით, კარლო ანჩელოტი თამაშის წინა დღეს მიიღებს გადაწყვეტილებას.

MARCA