როგორც მოგეხსენებათ, შარშან მადირდის "რეალის" ბომბარდირი გონსალო იგუაინი გახდა 22 გოლით. დღესაც იგივეს ცდილობს, ის გუნდში რონალდოსთან ერთად საუკეთესო რეზულტატითაა. არგენტინელი ბრწყინვალე ფეხბურთელია, მაგრამ არავის ეგონა რომ ამ ზაფხულს გუნდში მოსულ ვარსკვლავებს ბენზემას და კრიშტიანო რონალდოს კონკურენციას გაუწევდა, მაგრამ პიპიტას რიკინის ხასიათი აღმოაჩნდა... ახალგაზრდა მადრიდისტა თავის მომავალ გეგმებზე გულშემატკივარს ესაუბრა.

გუნდში რონალდოს, ბენზემას და კაკას, რომ ძირითად შემადგენლობაში წინააღმდეგობა გაუწიოს არაბუნებრივ ფორმაში უნდა იყოს ფეხბურთელი. თქვენ როგორ ფიქრობთ?

ეს მადრიდის "რეალია". ამ კლუბში ყოველთვის საუკეთესონი იყვნენ და არც დღეს არის გასაკვირი ასეთი ბრწყინვალე შემადგენლობა. რონალდო მსოფლიოს ერთ–ერთი საუკეთესო ფეხბურთელია, მასთან წინააღმდეგობა ურთულესია, მაგრამ ეს ნაბიჯი გადავდგი და უკან არ დავიხევ... ჩვენ გვყავს შესანიშნავი მწვრთნელი, რომელიც ყველა ფეხბურთელს აძლევს თამაშის საშუალებას, დიდი იმედი მაქვს რომ როგორც ბენზემას, ისევე მე თანაბარი დრო გვექნება სასტარტო შემადგენლობაში სათამაშოდ.

თქვენი აზრით დღევანდელ "რეალს" შეუძლია ისევე თამაში, როგორც ამას რონალდოსა და ზიდანის დროს აკეთებდა?

არ მიყვარს წარსულზე საუბარი. ვერავინ იტყვის დაზუსტებით მომავალში რა იქნება, ისეთი ფეხბურთელები როგორიც 2000 წელს სამეფო კლუბში იყვნენ ზიდანი, რონალდო, ფიგუ, მაკელელე, აღარ დაიბადებიან. მათ მოიგეს ჩემპიონთა ლიგა, ჩვენ–ვერა. დიდი ხანია ამ ტურნირზე წარმატებისთვის არ მიგვიღწევია... ამის კარგი შესაძლებლობა კი ამ სეზონში გვაქვს, იმედია ამ შანსს გამოვიყენებთ.

კაკასგან და რონალდოსგან ახალი ფინტები ისწავლეთ?

ისინი უმაღლესი დონის ფეხბურთელები არიან, მსოფლიოში საუკეთესონი. ისინი როგორი ფეხბურთელებიც არიან, ისეთივე დიდებული ხალხია პიროვნულად, მათგან უამრავი რამ შევისწავლე და იმედია მომვალშიც ბევრს გავიგებ. კაკაც და რონიც ჩვეულებრივი ადამიანები არიან, კარგი მეგობარი და დიდებული მოთამაშეები...

მაინც, ყველაზე მეტად თქვენი თანაკლუბელებისგან ვის თამაშს გამოყობთ?

დღეს სამეფო კლუბში თანამედროვე ფეხბურთის ვარსკვლავები ირიცხებიან. ამის მიუხედავად ვიტყვი, რომ რაულის ნაირი ფეხბურთელი და პიროვნება არ შემხვედრია, მე მას უკვე სამი წელია ვიცნობ და კარგად გავიცანი. იგივე შემიძლია გითხრათ ნისტელორიზეც. გუნდში არიან ბენზემა, კაკა, რონალდო – ესენიც დიდებული ფეხბურთელები არიან, მაგრამ ჯერ მათ კარგად არ ვიცნობ.

მანუელ პელეგრინი როგორ არის განწყობილი ფეხბურთელებისადმი?

პელეგრინი შრომისმოყვარე და სასიამოვნო ადამიანია. მანუ ყოველთვის ბრწყივნალედ არის განწყობილი საკუთარი შეგირდებისადმი... ასეთი არაჩვეულებრივი მწრვთნელი გუნდში შესანიშნავ ფსიქოლოგიურ განწყობას ქმნის.

ყველაზე მეტ წინააღმდეგობას ძირითადისთვის ბრძოლაში ვინ გაგიწევთ: ბენზემა, რაული, თუ ნისტელროი?

რთული კითხვაა. სამივე მათგანი უმაღლესი კლასის ფეხბურთელია. მთლიანად ეს სამეული გამიწევს დიდ წინააღმდეგობას, ერთი რომელიმეს გამოყოფა მიჭირს, ყველანი უძლიერესები არიან...

რა უნდა გააკეთოთ იმისათვის, რომ "რეალის" პირველი თავდამსხმელი გახდეთ?

ნებისმიერ ახალგაზრდა ფეხბურთელს ძალიან უჭირს ევროპის ტოპ–კლუბებში ადგილის პოვნა... ასე ვიყავი პირველად, რომ მოვედი სამეფო კლბუში, მაგრამ ახლა ყველაფერს შევეჩვიე... მთავარია ძალიან ბევრი იშრომო და გულშემატკივრის გული მოიგო. უნდა ითამაშო გუნდურად და არა ინდივიდუალურად, თუ ამის საჭიროება არ არის. მწვრთნელის ყველა მოთხოვნას პირნათლად უნდა დაემორჩილო...

თქვენს ცხოვრებაში რომელი იყო ყველაზე დსამახსოვრებელი მატჩი?

ალბათ სადებიუტო თამაშები "რეალში" და "რივერ–პლეიტში". სანტიაგო ბერნაბეუზე მოპოვებული გამარჯვება "ესპანიოლთან" 4–3. "ბარსელონას" დამარცხება 4–1... კიდევ იყო უამრავი დასამახსოვრებელი მატჩი, მაგრამ მათი ჩამოთვლა შორს წაგვიყვანს.

როგორ მოირგეთ "რეალის" საუკეთესო ბომბარდირის როლი?

მინდა გითხრათ, რომ ეს იყო უდიდესი სიხარული... მე ჯერ ძალიან ახალგაზრდა ვარ და ასეთი დიდი წარმატება ჯერ არ მქონია "თეთრებში".

როგორი გრძნობაა სანტიაგო ბერნაბეუზე გოლის გატანა?

უდიდესი გრძნობაა, თითქოს მთელი სამყარო შენ გეკუთვნის... ხალხისგან დიდი სიყვარული და სითბო მოდის ფეხბურთელის მიმართ.



ინფრომაციის წყარო: Uefa.Com

ავტორი: Kevlisha