როგორც „მარკასთვის“ გახდა ცნობილი, ახალაგაზრდა შემტევი მშობლიურ კანარის კუნძულებზე გაივლის სარეაბილიტაციო კურსს.

მოგეხსენებათ, გერმანიაში განმეორებითი ქირურგიული ჩარევის შემდეგ, 10 დღის წინ დაბრუნდა ესპანეთში და დიდი ხნის განმავლობაში პირველად, „რეალის“ საკალათბურთო თამაშზე გამოჩნდა ფართო საზოგადოების წინაშე.

კლუბი ფიქრობს, რომ ფიზიოთერაპევტის დაკვირვების ქვეშ, როდრიგესს გაცილებით გაუმარტივდება სარეაბილიტაციო კურსის გავლა მშობლიურ ქალაქში, ოჯახისა და მეგობრების გარემოში და ამიტომაც, გარკვეულ პერიოდს ლას პალმასში გაატარებს, სადაც მუდმივად მიიღებს კონსულტაციებს კლუბის მედიკოსებისაგან.

შეგახსენებთ, 2 თვის უკან, ხესემ „შალკესთან“ შეხვედრაში გაიწყვიტა ჯვარედინი მყესები, რის გამოც პირდაპირ საოპერაციო მაგიდაზე მოათავსეს.ფეხბურთელის გამოჯანმრთელების პროცესი კიდევ უფრო შეანელა ნაოპერაციევ ჭრილობაზე შეყრილმა ინფექციამ (რის გამოც მეორედ დასჭირდა ქირურგიული ჩარევა), თუმცა ახლა უკვე თავს კარგად გრძნობს და მხოლოდ დაბრუნებაზე ფიქრითაა დაკავებული.

MARCA