ჩაბის საკითხის გადაჭრის პარალელურად, ანჩელოტის დღის წესრიგში კიდევ ერთი დილემა დგას.

მარსელო თუ კოენტრაუ? ანუ ვინ უნდა დადგეს სასტარტო შემადგენლობაში, ჩემპიონთა ლიგის ფინალში.ამ მომენტისათვის არსებული სიტუაციით, „ატლეტიკოსთან“ პაექრობას, უდავოდ პორტუგალიელი იმსახურებს, რომელიც საუკეთესო სეზონს ატარებს „ბლანკოსში.“

ბრაზილიელის არყოფნის პირობებში, ფაბიუმ სრულფასოვნად დაიპყრო მარცხენა ფრთა.მეტიც, მას ყოველთვის უწუნებდნენ შეტევით პოტენციალს, თუმცა ბოლო თამაშებიდან გამომდინარე, ალბათ, პირღია დარჩნენ სკეპტიკოსები, რამეთუ „კოპა დელ რეის“ ფინალში, სწორედ კოეს წამოწყებულ იერიშს მოჰყვა თასი, ხოლო „სანტიაგო ბერნაბეუზე,“ სწორედ „ხუთიანის“ გადაცემით გაუტანა ბენზემამ „ბაიერნს“ და კითხვის ნიშნებიც გაქრა.

მიუხედავად იმისა, რომ მარსელიტო ძირითადის წევრად ითვლება, ძალიან გაუჭირდება ლისაბონის საგზურის დაბევება, თუმცა ამისათვის 21 დღეს აქვს.ამბიციური და მონდომებული სამხრეთ ამერიკელი, ეცდება მწვრთნელის ნდობის დაბრუნებას, მაგრამ რამდენად გამოუვა, მეორე საკითხია.

თქვენი აზრით, 24 მაისს, მარსელომ უნდა ითამაშოს თუ კოენტრაუმ?

MARCA