"მარსელის" ფეხბურთელი ლუჩო გონსალესი, რომელმაც ახლახანს მოიშუშა ტრავმა, შეძლებს ჩემპიონთა ლიგის გადამწყვეტ მატჩში მადრიდის "რეალის" წინააღმდეგ ასპარეზობას.

ფეხბურთელი დარწმუნებულია, რომ მის გუნდს აქვს 1/8 ფინალში ასპარეზობის შანსები და ამის გამოყენებას ისინი "რეალთან" მატჩში ეცდებიან. "ვინ იფიქრებდა, რომ "ციურიხს" ექვს გოლს გავუტანდით და "მილანთან" ფრედ დავასრულებდით შეხვედრას? არავინ იცის რა მოხდება მომავალში. "რეალს" სამი გოლზე მეტი უნდა გავუტანოთ. ყველაფერია მოსალოდნელი" – აცხადებს პორტუგალიელი.

"პორტუს" ყოფილი ნახევარმცველის განცხადებით მის გუნდს შეუძლია ითამაშოს 1/8 ფინალში. "ახლა მთლიანად "რეალზე" უნდა გადავიტანოთ ყურადღება. ბოლომდე უნდა ვიყოთ თავდაჯერებულნი. ვიცით, რომ მხოლოდ გამარჯვება გვმართებს. დაველოდოთ რა მოხდება" – განაცხადა ლუჩომ.


ინფორმაციის წყარო: Marca.com