„ჩვენი წარმატება ანჩელოტის დამსახურებაა“ - რთულია არ დაეთანხმო კრიშტიანუ რონალდუს, რომელმაც „ბაიერნთან“ ნამატჩევს, იტალიელ დამრიგებელს მადლობა გადაუხადა.

ლისაბონის ფინალი, კარლიტოსთვის მეოთხე იქნება სამწვრთნელო კარიერაში.აღნიშნული მაჩვენებლით, ისეთ ლეგენდარულ მწვრთნელებს გაუტოლდა, როგორებიც არიან: მიგელ მუნიოსი, მარჩელო ლიპი და ალექს ფერგიუსონი.

განვლილი 3 შემთხვევიდან, ანჩელოტის დამოძღვრილები ორჯერ დაუეფლნენ ჩემპიონთა ლიგას.რაც შეეხებათ ჩამოთვლილ დამრიგებლებს, მუნიოსმა და ფერგიმ, შესაბამისად „რეალისა“ და „მანჩესტერის“ სათავეში, 2-2 თასი მოუტანეს გულშემატკივრებს, ხოლო ლიპი 4 გადამწყვეტი პაექრობიდან, მხოლოდ ერთხელ გამოვიდა გამარჯვებული.

ამასთანავე, „ბლანკოსის“ მოქმედი მეთაური, ერთ-ერთია იმ 6 ადამიანთაგან, რომლებმაც ყველაზე პრესტიჟული საკლუბო ტურნირის მოგება, ფეხბურთელის რანგშიც მოახერხეს და მწვრთნელის.

თუ პორტუგალიაში გასამართი დაპირისპირება მადრიდელებისათვის ტრიუმფით დასრულდება, პაპა კარლო მეხუთე საჭეთმპყრობელი გახდება, ვინც ორი სხვადასხვა კლუბის რიგებში მოახერხა ჩ/ლიგის აწევა.

AS