მადრიდის "რეალი" არ აპირებს ნახევარმცველების გუტისა და გაგოს გაყიდვას. ამის შესახებ მათმა აგენტმა ზორან ვეკიჩმა განაცხადა.

გუტის მიმართ ინტერესს "ინტერი" და პრემიერლიგის კლუბები იჩენდნენ. ქერა ნახევარმცველს ცუდი ურთიერთობა აქვს მანუელ პელეგრინისთან. ამასთან ერთად ფერნანდო გაგო ხაბი ალონსოს მოსვლის შემდეგ სულ უფრო იშვიათად ჩნდება ძირითად შემადგენლობაში. მას სურს მსოფლიო ჩემპიონატზე წასვლა არგენტინის ნაკრებთან და ესაჭიროება სათამაშო პრაქტიკა. გაგოთი იტალიური კლუბები ინტერესდებიან. ასევე "ბოკა ხუნიორსს" სურს მისი არენდით აყვანა.

"კატეგორიულად ვაცხადებ, რომ "ინტერის" ხელმძღვანელები არ ჩამოვლენ მადრიდში მოლაპარაკებების გასამართავად. არანაირი შეხვედრები არ იქნება. უბრალოდ ერთს ვიტყვი: სნეიდერი და ეტო'ო ხოსე მარიას კარგი მეგობრები არიან. მათ მიიპატიჟეს გუტი მილანურ კლუბში. ჩემი აზრით, ვიცე–კაპიტანისთვის საუკეთესო ვარიანტი "რეალში" დარჩენა იქნება".

რაც შეეხება გაგოს, "სამეფო კლუბის" ხელმძღვანელობამ მასთან საუბარი გამართა "ბარსელონასთან" თამაშის შემდეგ და უთხრეს, რომ მასზე დიდ იმედებს ამყარებენ. ჯერ ადრეა ფერნანდოს კლუბის დატოვების შესახებ ფიქრი. ყოველ შემთხვევაში მან შეიძლება კლუბი იანვარში დატოვოს" – განაცხადა ვეკიჩმა.


ინფორმაციის წყარო: Goal.com