გუშინდელი მატჩის შემდეგ შეიძლება ითქვას, რომ რონალდომ ფორმა აღიდგინა და მზად არის ბაიერნთან სრული დატვირთვით ითამაშოს.

ელ ფერარის ასპარეზობა გუშინდელ შეხვედრაში შთამბეჭდავი იყო. მან შესანიშნავი გოლებით დააწინაურა მადრიდის რეალი და ფაქტიურად გადაწყვიტა თამაშის ბედი. გულშემატკივრებმა კიდევ ერთხელ იხილეს პორტუგალიელის ბრწყინვალე ასპარეზობა, მან ბერნაბეუზე 101 გოლს მოუყარა თავი და ეს ყველაფერი მხოლოდ 81 შეხვედრაში (საშუალოდ 1.2 გოლი მატჩში).

პირველად პორტუგალიელმა ბერნაბეუზე თავი დეპორტივოსთან გამოიჩინა 2009/10 წლების სეზონში. ეს მისი პირველი ოფიციალური შეხვედრა იყო ბერნაბეუზე, მაშინ კრისმა პენალტით გახსნა სამეფო კლუბის საშინაო არენაზე გატანილი გოლების ანგარიში და მას შემდეგ არც გაჩერებულა. წარმატებული გამოსვლა მიმდინარე სეზონშიც გრძელდება, რონიმ 13 შეხვედრაში 18 გოლი გაიტანა. წლეულს მისი ყველაზე შთამბეჭდავი გამოსვლა სანტიაგო ბერნაბეუზე რეალ სოსიედადისა და სევილიას წინააღმვდეგ იყო, როდესაც თეთრების შვიდიანმა ჰეთტრიკის შესრულება მოახერხა.

ახლა კი ისიამოვნეთ გუშინდელი გოლებით: