როგორც ოფიციალურად გახდა ცნობილი, „უეფამ,“ „ბაიერნისა“ და „რეალის“ საპასუხო მატჩის მსაჯობა, პედრო პროენსას ანდო.

44 წლის პორტუგალიელი არბიტრი პედრო პროენსა, დიდი ავტორიტეტით სარგებლობს საფეხბურთო სამყაროში.სწორედ მან განსაჯა 2012 წლის ჩემპიონთა ლიგისა და ევროპის ჩემპიონატის ფინალები, ხოლო მიმდინარე სეზონში, ყველაზე პრესტიჟული ტურნირის 4 შეხვედრაში იმუშავა.

რაც შეეხება მისსა და სამეფო კლუბის ურთიერთობას, უკანასკნელად, 3 წლის წინ იმსაჯა „რეალის“ მონაწილეობით თამაში.მაშინ, მადრიდელებმა საკუთარ კედლებში 2-0 დაამარცხეს „მილანი.“

MARCA