სამეფო კლუბის კარის დარაჯის კონტრაქტში, წლიური ჰონორარის (4.5 მლნ.) პარალელურად, ბონუსებიც არის გათვალისწინებული.

კასილიასის დამტვრევის შემდეგ, ლოპესთან გაფორმებულ ხელშეკრულებაში ჩაიდო პუნქტი, რომ თუ დიეგო სეზონში 30 ან მეტ შეხვედრაში მიიღებდა მონაწილეობას, დანამატის სახით, 1 მილიონ ევროს მიიღებდა.

შესაძლოა, შარშან, არავინ ელოდა მოვლენების ამგვარ განვითარებას, მაგრამ ფაქტია, რომ მიმდინარე სეზონში, ლოპესმა უკვე 33 პაექრობაში დაიცვა „ბლანკოსის“ ღირსება და შესაბამისად, 5.5 მლნ. ევროს მიიღებს.