სერხიო რამოსმა თავის ინტერვიუში ბევრ საინტერესო საკითხზე ისაუბრა, მათ შორის ჩემპიონთა ლიგის განმეორებით შეხვედრაზე და განმეორებით შეხვედრაში ყვითელი ბარათის მიღების შემთხვევაში ფინალის გამოტოვების საფრთხეზე.

ბოლო შედეგები: "ძალიან საინტერესო და კარგი კვირა იყო. ვაგრძელებთ ბრძოლას ორივე ტურნირზე და ერთის მოგება მოვახერხეთ. მოგება ემოციურად ძალიან კარგი იყო."

"ბაიერნი": "ძალიან ბედნიერი ვართ იმ სამუშაოთი, რაც გავწიეთ. დიდებული თამაში იყო დიდებულ მოწინააღმდეგესთან. შედეგიც კარგი იყო. ვისურვებდით, რომ უფრო მეტი გოლი გაგვეტანა, მაგრამ ასე არ მოხდა და რას იზამ. განმეორებით შეხვედრაში გაგვიჭირდება. ძალიან რთული დონეა და ძლიერი მეტოქე, მაგრამ ამის მიუხედავად, ჩვენ ბოლომდე მზად ვართ."

დაცვის სიძლიერე: "ანჩელოტი ჩვენგან ითხოვს, რომ კარგად დავიცვათ თავი. დაცვამ გერმანელების წინააღმდეგ დიდებული სამუშაო გასწია და გუნდი უკნიდან მშვენივრად გადადიოდა შეტევაში. მეტოქის რიგებში ისეთი ფეხბურთელები არიან, როგორიც რობენი, რიბერი და მიულერი, რომელთა წინააღმდეგ შეცდომის დაშვების საშუალება არ გვქონდა."

ატმოსფერო მიუნხენში: "ჩვენ არანაირი შიში არ გვაქვს და ატმოსფეროთი ვერავინ ვერ გაგვაკვირვებს. ყველას პატივს ვცემთ."

ყვითელი ბარათის საფრთხე: "ყველას უნდა ფინალის თმაში , მითუმეტეს "მადრიდის რეალის" ფეხბურთელს, მაგრამ ეს არ ნიშნავს იმას, რომ მე თავს რამითი დავზოგავ იმ ფინალზე ფიქრით, რომელშიც ჯერ არ გავსულვარ."

„რეალს“ ყველას ყიდვა შეუძლია: "ეს გვარდიოლას აზრია და პატივი უნდა ვცეთ მას.მადრიდი ყოველთვის გამოირჩევა ხმაურიანი ტრანსფერებით.კლუბის ბიუჯეტი ამის საშუალებას იძლევა."

ათლეტური მადრიდელები: "ვფიქრობ, რომ როდესაც პეპმა ასეთი შეფასება გაგვიკეთა, ცოტათი იპირფერა.მასზე ყოველთვის კეთილგანწყობით ვსაუბრობ, რამეთუ ფეხბურთში დიდი წვლილი აქვს შეტანილი.თუ „რეალს“ რაიმე გააჩნია, რონალდუს, ბეილის, ბენზემასა და დი მარიას დამსახურებაა.აქედან გამომდინარე, მისი რეპლიკა გასაკვირი სულაც არ არის."