ფრანგული მონაკოს ყოფილი ფორვარდის, ხორვატი დადო პრშოს განცხადებით მიუნხენის ბაიერნი მადრიდის რეალთან დაპირისპირებას იოლად მიუდგა, რამაც დამღუპველი შედეგი გამოიღო...

"როგორ ფორმაშიც არ უნდა იყოს რეალი და რა დანაკლისიც არ უნდა ჰქონდეს, ეს გუნდი ყოველთვის სახიფათოა მითუმეტეს მაშინ, როდესაც მატჩი სანტიაგო ბერნაბეუზე იმართება."

"გვარდიოლას შეგირდებს არ ეგონათ, რომ ამხელა წინააღმდეგობას გადაეყრებოდნენ, რადგან ისინი აქამდე ყველას იოლად ამარცებდნენ, ესპანეთში კი ეს როდი გაუმოუვიდათ, რადგან ერთფეროვანი ფეხბურთი შემოგვთავაზეს, რომელიც კარლო ანჩელოტის ძალიან კარგად ჰქონდა შესწავლილი."

"მთელი 90 წუთის მანძილზე პეპი ცდილობდა თამაში შეეცვალა, თუმცა ვერანაირად ვერ მოახერხა. აშკარა იყო, რომ ესპანელმა მწვრთნელმა შესვენებაზე ფეხბურთელებს უკან დახევის დავალება მისცა, მოთამაშეებიც ისე მწვავედ აღარ უტევდნენ, ეს მხოლოდ იმიტომ მოხდა, რომ გვარდიოლას რეალის გააქტიურება სურდა იმისათვის, რომ შემდეგ თავბრუ დაეხვია ესპანელი მცველებისთვის, თუმცა ანჩელოტი საკმაოდ გამოცდილია და ის პროვოკაციას არ წამოეგო, მას კვლავ ანგარიშზე ორიენტირებული, მიზანმიმართული ფეხბურთი ათამაშა საკუთარ შეგირდებს."

"რეალი საკმაოდ მწვავედ უტევდა, მადრიდელებს არაერთხელ შეეძლოთ კიდევ ერთხელ ნოიერის კარის აღება, თუმცა როგორც ჩანს არ გაუმართლათ, თუმცა უნდა აღვნიშნოთ, რომ "ბლანკოსი" ალიანს არენაზე საკმაოდ კომფორტული ანგარიშით ჩადის, 1-0 მინიმალური ანგარიშით გამარჯვებაა, მაგრამ ბევრად სჯობს 2:1-სა და 3:2-ს."

"სამეფო კლუბს საკმაოდ სოლიდური შემადგენლობა ჰყავს, რომელიც არაფრით ჩამოუვარდება ბაიერნს, თუმცა ისიც უნდა აღვნიშნოთ, რომ გვარდიოლამ ისედაც შეკრული გუნდი კიდევ უფრო კარგად დააბალანსა, "რეკორმაისტერი" სწორედ ამის ხარჯაზე ახერხებს წარმატების მიღწევას."