ოცი წლის წინ, სწორედ ამ დღეს, მადრიდის "რეალმა" და მთელმა მსოფლიომ დაკარგა ყველა დროის საუკეთესო კალათბურთელი ფერნანდო მარტინი. ეს კალათბურთელი 1981 წელს მოვიდა სამეფო გუნდში და ხუთი წლის შემდგომ გახდა ევროპაში საუკეთესო ცენტრალური მოთამაშე. 1986 წელს იგი გახდა პირველი ესპანელი, რომელმაც "NBA"-ში ითამაშა. 1989 წლის 3 დეკემბერს მარტინი ავტოკატასტროფის შედეგად ტრაგიკულად დაიღუპა.

ფერნანდო მარტინი მეტად ათლეტური პიროვნება გახლდათ. ის არამარტო კალათბურთს თამაშობდა შეუდარებლად, არამედ ჭიდაობდა, მაგიდის ჩოგბურთს თამაშობდა არაჩვეულებრივად და ბრწყინვალედ ცურავდა. ფერნანდომ თავისი საკალათბურთო კარიერა 17 წლის ასაკში დაიწყო–"ესტუდიანტესში". 1981 წელს ახლაგაზრდა მარტინმა არაჩვეულებრივად ითამაშა ესპანეთის ნაკრებში და ამის შემდეგ უკვე ჩაირიცხა მადრიდის "რეალში".

შვიდი სეზონი დაჰყო სამეფო კლუბში და ამ დროის განმავლობაში უამრავ ტიტულს დაეუფლა... მან გუნდთან ერთად ოთხჯერ მოიპოვა "ACB " ტურნირში გამარჯვება, სამჯერ სამეფო თასს დაეუფლა, ორჯერ ევროპის სუპერ თასი დაისაკუთრა და ერთხელაც მსოფლიოს საკლუბო ჩემპიონატი მოიგო. ამ მადრიდისტამ "თეთრებში" 170 შეხვედრა ჩაატარა და 3 302 ქულა შესძინა თავის გუნდს, რაც თითოეულ მატჩში 19,4 ქულას უდრის.
1981 წელს მარტინს დებიუტი ჰქონდა ესპანეთის ეროვნულ ნაკრებში "საფრანგეთის" წინააღმდეგ. ამ მომენტიდან ერთი წლის შემდეგ მან დაიმკვიდრა ძირითად შემადგენლობაში ადგილი და გულშემატკივრის გულშიც მყარად მოიკიდა ფეხი. 1983 წელს ვერცხლის მედლის მფლობელი გახდა ევროპის თასზე ნაკრებთან ერთად. ფერნანდოს რამოდენიმე შეხვედრა ჩატარებული აქვს მაიკლ ჯორდანთან და პატრიკ ევინგთან ერთად, ეს მადრიდისტა ნამდვილად მსფოლიოში ერთ–ერთი საუკეთესო კალათბურთელი გახლდათ. მარტინმა ესპანეთის გუნდში 72 თამაში ჩაატარა, სადაც გუნდთან ერთად 50–ში იმარჯვა, მისი ქულათა მონაგარი კი 998 შეადგენს, რაც ერთ
მატჩში საშუალოდ 13,2 ქულას უდრის.

ფერნანდო მარტინი დღეს ლეგენდად არის ქცეული... მან ხალხის ასეთი სიყვარული და პატივისცემა თავისი კარგი ადამიანობით და შესანიშნავი თამაშით მოიპოვა. ეს მადირიდსტა ტრაგიკულად დაიღუპა 1989 წლის 3 დეკემბერს, იგი სამეფო კლუბის ერთ–ერთი თამაშიდან სახლში ბრუნდებოდა, გზაში კი ავტოავარიაში მოყვა და გარდაიცვალა...



ინფრომაციის წყარო: Realmadrid.Com

ავტორი: KEvlisha