მადრიდის "რეალის" პორტუგალიელმა სუპერვარსკვლავმა კრისტიანო რონალდომ განაცხადა, რომ სურს ისტორიაში შესვლა "სამეფო კლუბის" ფეხბურთელის რანგში.

"ექვსი თუ შვიდი წელი ფეხბურთს ვთამაშობ. ვაპირებ ფეხბურთიდან წავიდე 40 წლის ასაკში. მსურს ისტორიაში ახალი ფურცელი ჩავწერო, როგორც ეს პელემ და მარადონამ გააკეთეს".

პელეს და მარადონას მოგებული აქვთ მსოფლიო ჩემპიონატი. რონალდოს თქმით, პორტუგალიასაც ძალუძს ამ ტურნირის მოგება. "ვიცი, რომ მსოფლიო ჩემპიონატის მოგება ძალიან რთულია, მაგრამ პორტუგალიის ნაკრებს ეს შეუძლია და იმედი მაქვს მოვახერხებთ კიდეც".

კრისტიანომ ასევე სერ ალექს ფერგიუსონზეც ისაუბრა: "სერ ალექსმა დიდი როლი ითამაშა ჩემს კარიერაში. ექვსი სეზონი გავატარე "მანჩესტერში" და ძალიან ბევრი რამ ვისწავლე. ჩემთვის ფერგიუსონი კარგი მეგობარია".


ინფორმაციის წყარო: As.com