"როხიბლანკოელმა" კოკემ ჟურნალისტებთან საუბრისას განაცხადა, რომ ატლეტიკოს მთავარი კონკურენტი არა მადრიდის რეალი, არამედ კატალონიის ბარსელონა გახლავთ...

"კომფორტულ სიტუაციაში ვიმყოფებით, რადგან მდევარს 3 ქულით ვუსწრებთ, მესამე ადგილოსანს კი ოთხით, ეს გვაძლევს იმის საშუალებას, რომ მომდევნო მატჩებში მოედანზე დამშვიდებულები გამოვიდეთ და პრიმერა ტრიუმფით დავასრულოთ."

"მთელი სეზონის მანძილზე ყველა დაპირისპირებაში მაქსიმალურად ვიხარჯებოდით, სწორედ ამის შედეგია ის, რომ 33 შეხვედრაში 26-ჯერ მოვახერხეთ გამარჯვების მიღწევა."

"მთავარ კონკურეტნად კატალონიელებს მივიჩნევ, რადგან მათ საზრუნავი მხოლოდ ლა ლიგის მატჩები აქვთ. სამეფო თასი ესპანეთის დედაქალაქში წამოვიდა, კარლო ანჩელოტის გუნდი ჩემპიონთა ლიგაზე უდავო ფავორიტს ხვდება, რომელთან დაპირისპირებაც დიდი ენერგიის დახარჯვის ტოლფასი იქნება."

"ამასთან ერთად უნდა აღვნიშნოთ, რომ მარტინოს გუნდს მხოლოდ პრიმერას მოგება შეუძლია. დარწმუნებული დარჩენილ ტურებში "ბლაუგრანა" ქულათა მაქსიმუმის მოპოვებას შეეცდება, თანაც ასევე გასათვალისწინებელია დასკვნითი მატჩი, სადაც სწორედ მადრიდულ-კატალონიური პაექრობა გაიმართება."

"ყველაფერი უნდა გავაკეთოთ ლა ლიგის მოსაგებად და ჩემპიონთა ლიგის ფინალში გასასვლელად, ამისათვის მთელი გუნდი ერთ მუშტად გაერთიანდება და იბრძოლებს."