მიუნხენის ბაიერნის ლიდერის, თომას მიულერის განცხადებით კარლო ანჩელოტიმ ბრწყინვალე გუნდი შეკრა, რომელმაც როგორც "ელ კლასიკოში" , ასევე სხვა დაპირისპირებებში საკმაოდ დინამიური ფეხბურთი ითამაშა...

"დედაქალაქელებს კარგი გუნდი ჰყავთ, მათ შემადგენლობის მხრივ გარკვეული პრობლემები აქვთ, მაგრამ იტალიელ სპეციალისტს ჩანაცვლების რესურსის პრობლემა არასდროს არ ჰქონია, აქედან გამომდინარე ტრავმირებული ფეხბურთელები გუნდის წარუმატებლობას ვერ იწვევენ."

"რონალდუს დაზიანება მათთვის ყველას სავალალო ეგონა, თუმცა კარგად გამოჩნდა თუ რა ძალას წარმოადგენს გარეთ ბეილი, რომელმაც გუშინდელი დაპირისპირებაში ქვა ქვაზე არ დატოვა და ბარსელონას დაცვა რამდენჯერმე მარტივად გაარღვია."

"1/2 ფინალი ძალიან რთული იქნება, ბერნაბეუზე დიდი ყურადღების თამაში გვმართებს."

"კარლიტოს გუნდი დალაგებულ ფეხბურთს თამაშობენ, თითოეულ შეგირდმა მშვენივრად იცის თუ როგორ შეასრულოს კონკრეტულ შემთხვევაში დამრიგებლის დავალება, ეს მათ დადებით თვისებას შეგვიძლია მივიჩნიოთ."

" ნიშანდობლივია, რომ ბოლო პაექრობებში მოწოდების სიმაღლეზე ვერ ვიდექით, თუმცა ჩვენ დაშვებული შეცდომები უკვე გავაანალიზეთ და საბრძოლველად მზად ვართ."

"ფავორიტის დასახელება რთულია, მხოლოდ იმის თქმა შემიძლია, რომ სანტიაგო ბერნაბეუზე დიდი ანგარიშით წაგების შემთხვევაშიც კი ვერავინ იტყვის, რომ მიუნხენური მანქანა ლიგას გამოეთიშება, რადგან ალიანს არენაზე უძლეველები ვართ, ჩვენი დამარცხება საკუთარ კედლებში ფაქტიურად წარმოუდგენელია."