კატალონიური კლუბის ლეგენდარულმა კაპიტანმა, კარლეს პუიოლმა განაცხადა, რომ მისი გუნდი მაქსიმალურად იხარჯება იმისათვის, რომ მესტალიაზე გასამართ შეხვედრას მზადყოფნაში შეხვდეს...

"ერთ მუშტად შეკრული კოლექტივი ვართ და გვჯერა, რომ მადრიდის რეალთან მორიგ გამარჯვებას მოვიპოვებთ, ჩვენ მათი დამარცხება მიმდინარე სეზონში უკვე ორჯერ მოვახერხეთ, თუკი ახლაც გავიმარჯვეთ დიდი ბედნიერება იქნება, რადგან თასის აღებასაც მოვახერხებთ."

"ელ კლასიკოს დიდი დატვირთვა აქვს, სამეფო თასის მოგების შემთხვევაში ლა ლიგაშიც კიდევ უფრო დამაჯერებლები გავხდებით, იქ სიტუაცია მეტისმეტად დაძაბული გახლავთ და ბოლომდე უნდა დავიხარჯოთ."

"არ ვიცი შევძლებ თუ არა თამაშს, თუმცა თამამად შემიძლია განვაცხადო, რომ სასტარტო თერთმეტეული სრული კონცენტრაციით ითამაშებს."

"ვალენსიაში დიდ ფინალს ველი, ეს იქნება მატჩი, სადაც ორივე გუნდი ბოლომდე დაიხარჯება და საკუთარი კლუბის ჩემპიონობისთვის იბრძოლებს, გულშემატკივრების იმედი მაქვს, დარწმუნებული ვარ თითოეული "ბლაუგრანელი" მხურვალედ დაგვიჭერს მხარს."