ფილიპ ლამის განცხადებით, მიუნხენის ბაიერნი ბრწყინვალე ფორმაშია და ყველაფერს გააკეთებს ჩემპიონთა ლიგის ფინალში გასასვლელად, დორტმუნდელებთან წარუმატებლობა უბრალო შემთხვევითობაა და ამაზე ნერვიულობა არც ღირს...

"ჩვენ კარგ ფორმაში ვართ და უკვე გავინაღდეტ ბუნდესლიგის თასი, აქედან გამომდინარე გერმანიაში მომდევნო მატჩებს უფრო მშვიდად გავმართავს. ბორუსიელებთან მარცხი არაფერს ნიშნავს. გასაგებია, რომ 3 ბურთი არ უნდა გაგვეშვა თანაც ისე, რომ მეტოქის კარი არ აგვეღო, მაგრამ სანერვიულოს ვერაფერს ვხედავ."

"ამ ეტაპზე კოლექტივი რეალთან შეხვედრაზე ფიქრობს, რომელიც ძალიან საპასუხისმგებლო იქნება. იმ შემთხვევაში თუ სანტიაგო ბერნაბეუზე გავიმარჯვებთ, გერმანიაში გაცილებით კომფორტულად ვითამაშებთ, თუმცა დედაქალაქელთა მათსავე სტადიონზე დამარცხება რთული იქნება."

"სამეფო კლუბს შესანიშნავი ნახევარდაცვა ჰყავს, რომელსაც მსოფლიოში ერთ-ერთ საუკეთესოდ მივიჩნევ, ისინი ძალიან მობილურები არიან, რის შედეგადაც წარმატებას აღწევენ."