"მადრიდის რეალი" წელს საკმაოდ უცნაურ სიტუაციაშია.

"მადრიდის რეალი" ჯგუფური ეტაპის შემდეგ ფინალისკენ მიმავალ გზაზე ისე არ მიდის, რომ გერმანული ჩემპიონატის ტოპ-3 გუნდიდან ერთი რომელიმე არ შეხვდეს, ჯერ იყო და 1/8 ფინალში "მადრიდის რეალს" "შალკე 04" შეხვდა, რომელიც ბუნდესლიგაში მესამე ადგილზეა და რომლისგანაც ორი მატჩის ჯამში გერმანელებისგან არაფერი არ დატოვა. 1/4 ფინალში "მადრიდის რეალს" უკვე "დორტმუნდის ბორუსია" არგუნა კენჭისყრამ, რომელსაც ორი მატჩის ჯამში 3:2 მოუგო.

დღეს გამართული კენჭისყრის შედეგად კი გაირკვა, რომ 1/2 ფინალში "თეთრების" მეტოქე "მიუნხენის ბაიერნი" იქნება, რომელიც გერმანიის ბუნდესლიგის მოქმედი გამარჯვებულია. სწორედ ბუნდესლიგის მოქმედი ჩემპიონი ეღობება "მადრიდის რეალს" ლისაბონისკენ მიმავალ გზაზე.